繼王家衛、陳可辛、寧浩同徐崢之後，歡喜傳媒（1003）主席董平再引入一位名導演，就係國寶級導演張藝謀！
歡喜傳媒噚日公佈，同張藝謀旗下嘅網絡系列影視劇製作公司唯臻合作，有條件同意向唯臻發行1.5億新股（佔擴大已發行股份5.1%），又投資1億人仔作為營運費用。
根據合作協議，歡喜傳媒有權獨家投資張導執導嘅3套網劇，又或者用一套網劇換做投資張導一套電影嘅6成。
貴為國寶級導演，張藝謀執導過好多出名電影，包括《紅高粱》、《大紅燈籠高高掛》、《活著》、《一個都不能少》、《我的父親母親》、《英雄》、《十面埋伏》、《滿城盡帶黃金甲》、《金陵十三釵》、《歸來》及《長城》等等。
唔知張導能否幫歡喜傳媒省靚招牌嘞。
李華華