八方早前報道娥特改組中策組而成嘅創新辦，有位「隱形民建聯」成員獲聘，原來連支持雨傘運動、反對人大釋法嘅民主派選委都佔一席位。
喺特首選委會選舉中以「衛．真普30」團隊名義出戰衞生服務界選委，最終成功當選並提名胡國興參選特首嘅劉愷寧（Karen），最近入咗娥特嘅創新辦專責政策研究。同Karen喺同一名單參選嘅泛民選委列明慧話呀，Karen入政府前有同佢傾過，雖然對Karen加入政府而令團隊少咗個關注基層醫療嘅勇將感到可惜，但亦祝福對方發揮志向。
列明慧指Karen係個充滿熱誠、理想、愛心嘅年輕人，過去一直爭取基層醫療資源，多次為業界發言，好希望過去欠咗年輕人好多嘅特區政府，嚟緊會好好珍惜呢啲有抱負嘅年輕人。