沙田試閘逢周二、周五舉行，但本周二（22日）是佛誕公眾假期，因此試閘取消，亦變相令應屆香港盃及香港金盃雙料一級賽（G1）冠軍「馬克羅斯」，無法在本周四（24日）排位前取得試閘及格，失去參加周日（27日）2400米遮打盃的資格。
「馬克羅斯」必須試閘及格才可上陣，是源於上仗女皇盃無故大敗，可惜卻於上周五（18日）試泥地閘表現欠佳肥佬，必須再試。
話說遮打盃日的各場正選馬名單，本於本周一（21日）下午2時半左右公佈，但結果當日卻遲了約三小時才公佈，據知正是因為有人希望在名單公佈前，說服馬會讓「馬克羅斯」保留在遮打盃參戰陣容之內，但結果游說工作失敗。
「馬克羅斯」最終未能跑遮打盃，被迫提早歇暑，練馬師告東尼仍然有點耿耿於懷。
他說：「『馬克羅斯』上周五試1200米泥閘不及格，但其實牠跑泥地向來麻麻，加上1200米大閘路程太短，輸多個馬位可以理解。相反遮打盃跑草地2400米正合牠發揮，加上既然今屆遮打盃咁少馬跑（僅五駒參與），點解唔給『馬克羅斯』一個機會呢？」