阿根廷足總周二宣佈，曼聯門將羅美路因為膝傷而無緣今夏俄羅斯世界盃，並宣佈補選效力墨超堤格雷斯嘅拿侯爾古斯文（小圖）填補其空缺。阿根廷足總公佈咗世盃23人大軍名單後僅一日，就宣佈羅美路因為喺周二嘅操練中右膝受傷要接受手術，無緣參與世盃。羅美路曾經94次為阿根廷國家隊把關，係代表阿根廷出賽次數第七多嘅門將。另外兩名入選阿根廷世盃大軍嘅門將係車路士嘅韋利卡巴尼路同河床嘅阿馬利。另外南韓都有傷兵退隊，老將李根鎬喺上周六韓職比賽受傷，證實係右膝韌帶撕裂，同樣無緣世界盃。南韓喺上周一公佈咗28人大軍名單，預計唔使補選球員。