上年大事擴軍嘅意甲班霸AC米蘭使大咗，過唔到國際足協嘅公平財政條例（FFP），下年隨時無得踢歐霸盃！近年表現失色嘅AC米蘭上年喺中國班主李勇鴻嘅加持下，唔單止請咗加度素做教練，仲高價買咗大量球員，例如安達施華、查漢奴古、邦路斯同列卡度洛迪古斯等等，加加埋埋10幾人，一個轉會窗就使咗成兩億歐元。歐洲聯合銀行嘅金融調查法庭裁定，AC米蘭未能達到盈虧平衡嘅要求，FFP規定球隊喺三年內唔能夠有大虧蝕，唔係就會對球會進行處分。米蘭就蝕咗成3,500萬鎊。雖然最終佢哋排喺意甲第六名，可以踼歐洲賽，但如果因為FFP唔達標而冇得踢，就真係唔抵喇。