曾經效力諾域治嘅37歲英格蘭前鋒格蘭荷特，近年就喺國內低組別球隊搵食，但大家可能好快就可以再喺電視上見到佢喇，不過唔係喺足球比賽，而係摔角比賽。世界摔角協會近日就宣佈，佢已經簽約成為一位摔角手，而有趣嘅地方係，佢唔係全職打摔角，而係會繼續擔任英格蘭第五組別地區球會巴羅嘅球員兼領隊。唔知佢會唔會踢緊波嗰陣一嘢撻低對方球員呢？