「若要人不知，唔好太低B」，子華神真係冇錯。有網民將愛車被撞嘅影片放上fb群組，影片位置為牛頭角潮語浸信會外停車位，司機喺車頭行過，坐上前面的士駕駛座後倒車撞到事主愛車，但佢冇落車睇，反而即刻駛走。嬲嬲事主話的士佬撞完就走，如果唔搵佢就會報警。
片段上載唔夠半個鐘就有網民話的士佬喺佢面前，仲貼埋圖：「睇相你知我喺邊啦，佢講完電話仲等緊行家來食飯，快！」網民即刻實時緝兇，召喚樓主到場。事主其後到場，網民仲做埋文字直播，話的士佬知事主嚟緊，「一嚟就搭膊頭，friend緊中，無嘢睇」，雙方簽和解書後就散場啦。成件事由出po到完結只係用咗一個鐘，真係唔好睇少網民力量。