雖則話現場睇愛隊踢歐聯決賽係每個球迷嘅夢想，不過15萬港紙張波飛你又捨唔捨得先？據英國傳媒報道，原價280鎊嘅歐聯決賽門票已經炒到14,723鎊（約15.5萬港元）；而原本只係值61鎊嘅平價飛都炒到1,200鎊，認真誇張。雖然未知利物浦可唔可以奪冠，不過入到決賽都夠威水，就連蘇索都話想重投紅軍嘅懷抱，唔知佢呢番話會唔會激嬲AC班高層呢？