趣趣地：伊巴「兜巴星」對手領紅

轉投洛杉磯銀河嘅伊巴謙莫域，周一喺作客蒙特利爾衝擊嘅聯賽期間，從後「兜巴星」對手，被球證直接出示紅牌趕離場。事發喺上半場39分鐘，伊巴喺禁區等緊機會，而對手米高柏查素就貼身守緊佢，當企喺前面嘅米高柏查素退後時，就唔小心踩中伊巴腳趾，點知呢位瑞典神鋒第一時間就從後「兜巴星」對手。球證翻睇片段後，就直接出示紅牌趕咗伊巴出場。