昨午（20日）沙田日賽潘頓贏四場，相反雷神莫雷拉一粒都冇，彼此頭馬距離一下子大幅收窄至四場。
雷神為咗保住可以四連霸冠軍騎師寶座，由今日（21日）嘅晨課睇得出，佢好心急喺周三（23日）晚贏馬。
佢唔單止親操三駒今季未勝馬，包括頭場「飛雲寶」、第三場「永旺喜喜」、以及第五場「綫路光輝」，仲特登同今期有兩駒交收嘅蘇偉賢詳談，傾嘅時候雷神個樣仲要勁認真。
蘇偉賢同雷神合作嘅有第二場「麯院風荷」同尾場「八十八十」，兩匹都曾經喺雷神胯下贏過，尤其「八十八十」役內五戰有四次由雷神處理，取得兩冠一亞，成績勁好，呢到隨時會係一個溫拿！