告東尼馬房頑皮馬「巴基之星」陣上罷跑、玩嘢玩到出晒名，幸好最近變乖仲贏埋女皇盃，情況有所改善，不過告仔又要為另一旗下馬匹操心。
「巴基之星」廐侶、李嘉欣夫婦名下的「陸寶」出名又係一匹臭脾氣馬，上次於皇太后紀念盃已扭晒計，拒絕前往起步點，最後搞到退出比賽。
今日（20日）賽事開跑前，大熱天時底下，告東尼都不辭勞苦，親自牽引無賽程之「陸寶」嘗試步出跑道，作為一課練習，但過程仍然不順利，就算出動埋儀仗馬幫手，此駒都依然不肯就範，多次打圈及不願展步。
擾攘一輪，「陸寶」最終牽離跑道，麻煩程度似乎比「巴基之星」更高，相信須經一段長時間調教好才可再出賽。