記協50周年慶祝之時，工黨當晚亦舉行6周年晚宴，以「搵食公義」為主題，強調打工仔女權益，總之工人唔係呼之則來、揮之則去、話炒就炒，更要提升對職場公義嘅認識。
工黨主席郭永健同副主席麥德正梗係要「犧牲」，席間有「驚人」演出，佢哋着住短裙同高踭鞋現身，服務一名「靚女」乘客，示範空中服務員平日工作時嘅辛酸，仲由做咗空姐多年、職工盟主席吳敏兒旁述。麥德正示範完後話呀，着高踭開工好辛苦，如果做區議員要日日着，寧願唔選嘞！郭永健則指着裙好鬼凍，工作時亦相當唔方便。至於社民連執委岑子杰亦變身「靚女」乘客，係咪真係巧令先？