44歲資深華籍騎師賴維銘，今季暫勝出5Win，頭馬全來自本地馬房，兩匹出自鄭俊偉，其餘呂健威、蘇偉賢及葉楚航各一匹，一眾華人練馬師雖支持賴仔，但好多時都要向馬主交代，一旦交唔出頭馬，換人亦無可奈何。
就好似葉楚航旗下六歲馬「君子承諾」，今季9戰帥印全交賴維銘，共取得1冠3亞成績，但自季初10月替此駒建功勝出谷草1650米後，至今未再贏，包括上仗僅輸馬鼻位予「萬利高」，是「君子承諾」本季第三度在賴仔胯下做二奶。
周三（23日）快活谷夜馬，「君子承諾」又報名上陣，跑最拿手的四班谷草一哩，不過帥權終於易手，由潘頓走馬上任，換言之賴維銘被飛掉了。
華將尤其沒有磅減的大師傅，一向處於劣勢，佢哋經常被頂級嘅雷神、潘頓搶走實力座騎，相信見慣風浪的賴仔，亦會坦然面對。
而「君子承諾」已由潘頓過檔操練，即管睇吓今次換人上陣，演出係咪突飛猛進？