一班士砵亭激進球迷喺上個禮拜二闖入球隊訓練場，襲擊同埋騷擾職球員，前鋒巴斯杜斯頭部仲搞到受傷淌血。葡萄牙傳媒報道，士砵亭主帥佐治捷西斯已掌握證據，證明主席般奴卡華奴係事件幕後黑手。報道指，上月六日士砵亭喺歐霸對陣馬德里體育會之後，般奴卡華奴就同邀進球迷組織Juve Leo嘅負責人會面。不過般奴卡華奴曾發出聲明，否認同Juve Leo有接觸。佐治捷西斯就話，佢已掌握卡華奴策劃事件嘅證據，並計劃採取法律行動。據此前報道，般奴卡華奴早前曾同麾下球員爆發罵戰，又將合共19名球員停賽。近日事件又再升級，般奴卡華奴上個禮拜一仲將佐治捷西斯同埋佢嘅教練團隊處以停賽，雙方關係進一步決裂。