俄羅斯人不嬲都好勇鬥狠，單手游出公海、徒手擋冰雹已經係等閒事，可況係互摑大賽！最近網上熱傳一條名為「俄羅斯互摑大賽2010」的短片，只見有一班俄羅斯大隻佬喺台上面互摑，而一班觀眾企晒喺台下面食花生。班觀眾個個都好鬼肉緊，十足十好似睇緊MMA咁。
從段片可以睇到，班大隻佬個個都手瓜起腱，摑都熱熱哋就索性連衫都唔著，赤膊上陣。佢哋個個出掌一啲都唔留手，有人仲畀人摑到差唔多暈，要由側邊嘅工作人會出手扶住。比賽第一友誼第二，完晒之後大家都攬頭攬頸，但個個面上都留低紅印，亦有人受流淌血。
翻查互摑大賽資料嗰時，就會發現俄國近幾年都有搞呢個比賽，但文字資料就比較少，都係以影片居多，所以詳細嘅賽規同埋參賽資格就冇咩人知。有網民提到，參賽者應該係不停互摑，直至對方捱唔住退出，而捱得住嘅會係最終贏家，贏咗或者會有獎金。
不過呢啲始終係危險行為，台灣七年前亦發生過掌摑摑死人嘅事件，所以大人細路千祈唔好學！