挑機分飾六角　志雲送外賣捱鬧

挑機分飾六角　志雲送外賣捱鬧

陳志雲（Stephen）今年與商業電台齊齊「登6」（踏入60歲），故舉辦《志雲尋志雲》演嘢會，更會唱主題曲，他笑言可以拿新人獎。不過在演嘢會之前，Stephen接受挑戰，應《蘋果動新聞》邀請先來個小型扮嘢會。他要在商台扮演六個不同崗位，包括茶水部、保安部、清潔部、公關部、電台DJ及新歌派台，他首次在沒有稿的情況下，要即興發揮。
六個角色中，陳志雲最開心扮演茶水部外賣仔，他說︰「好刺激，同埋唔係平日嘅自己，俾Terry鬧幾好啊，平時佢邊敢鬧我。」之後他又回到錄音室扮演電台DJ，令他回想過往主持電台節目的時光。談到「演嘢會」內容，他表示會盡力做到，每天有不同內容，暫定有棟篤笑、雙打、嘉賓分享、互動元素和歌唱表演等，如將電台節目搬上舞台。

志雲扮外賣仔時巧遇鄭欣宜，還說笑外賣不是她的。

Stephen化身外賣仔，送外賣俾梁泰來。

喺大堂做保安員時，Stephen每次見人入商台，都禮貌周周咁同大家打招呼。

嚟緊會有新歌派台，Stephen當然再為自己首歌爭取點播率啦。

工作排到明年

至於即將步入60歲大關，志雲未言退，更透露手頭上工作已排到明年︰「我人生下半場，我諗係10年前已經開始，嗰次我去完南極同北極，覺得自己存在好渺小，我做咗半世紀嘅人，我下半步應該點樣走呢，嗰陣時我已經開始尋覓緊。」
採訪：Sapna、倩宜
攝影：馮峰、Neo

陳志雲回到錄音室扮演電台DJ，令他回想過往主持電台節目的時光。

聽到Stephen喺電話另一邊話，覺得Do唔識音樂兼唱歌走音，謝茜嘉即表示同佢講電話好有壓力。

Stephen連清潔部都撈埋，落手執報紙收垃圾。