優雅低俗燈塔式競馬雜誌《水圍與巴黎》第七集上線了！
今次，家住大西北嘅天水圍首席馬評家（好似係）阿秋，就同有靚靚人妻之稱嘅Paris，同大家講吓食經，但佢哋所謂嘅講飲講食，當然同馬匹有關啦！
唔講你唔知，啲馬原來係好大食嘅！好似體重1,300磅的大灰獸「平湖之星」，就由朝食到晚，而原來馬匹每日約食15公斤飼料，飲25公升水，攝取量足足比人類多約10倍，就算阿秋大大件，都完全冇得比！
而除了正餐外，馬匹平時最鍾意食嘅，就係薄荷糖、紅蘿蔔呢一類有嚼勁嘅食物。
想知馬匹有幾擦得？入嚟睇片就一清二楚啦！