韓國男團BTOB的23歲成員陸星材，前年於tvN人氣劇《鬼怪》中飾演富三代「劉德華」而人氣急升，他今晚撇甩隊友在旺角舉行首個香港個人粉絲見面會，昨日他踢拖來港並於晚上到鑽石山舉行記者會，吸引300粉絲到場支持。
陸星材於記者會上勁晒廣東話，又大讚港迷「好靚女」，並即場學講「我愛你」、「儍瓜」，但當講「我哋一齊釣魚」時卻疑似爆粗。陸星材又指想搭船看夜景及行香港的夜市，他又率先透露今晚港騷會唱兩首中文歌，當中有港迷送上貓咪咕臣令陸星材愛不釋手。另外，陸星材今日舉行的港騷，有黃牛黨於網上平價兜售，當中最貴$1,380門票最低只需$850一張，差不多以六折出售。
採訪：劉書寧
攝影：陳俊強