早幾日喺錦田有泥頭車撞九巴，導致泥頭車司機死亡嘅恐怖車禍，噚日有人將車cam拍攝到嘅意外經過放上網，有讀者亦好有心send段片畀《蘋果》，還原咗事發經過，不過睇咗真係嚇到個心都離一離，片段顯示，泥頭車突然越過雙白線，迎頭猛撼對線九巴。
片段所見，泥頭車與尾隨嘅私家車、綠的都係沿錦田公路行駛，車速唔算快，但係當駛過羅屋村嘅彎位之後，泥頭車突然越過雙白線，迎頭撞向迎面而來嘅九巴，巴士被撞到打橫擺。撞埋去嗰刻塵土飛揚，尾隨嘅車都即刻煞停，好彩大家冇跟車太貼咋！希望呢段片可以幫助警方搵到意外真相。而車禍入面，姓廖（58歲）泥頭車司機送院搶救後不治，而九巴女車長以及兩名巴士乘客就受傷送院。