自細隨父親赴英追尋英超夢、現年18歲的戴偉浚，去年獲英甲球會貝利簽約三年，是繼名宿張子岱後，再有香港人在英國職業聯賽上陣。一時間集萬千寵愛，卻換來一個失意球季——貝利來年要降班落英乙，浚仔的「英超路」似乎越來越遙遠。
被譽為港版足球小將的浚仔，日前返港並接受《蘋果》訪問，被問到球會來季降班，他將有何打算時，浚仔說：「應該會跟隨番球會，因為簽咗三年約。但都有其他球會想搵我，不過都係未知之數。」
過去一年，浚仔可謂走過高山低谷，去年得到當時領隊李爾奇勒賞識，獲簽約三年，並獲派25號球衣，風頭一時無兩。這件得來不易的球衣，刻劃了浚仔過去付出的努力，有莫大意義。「呢個冧把代表咗我屬於呢個球會，得到領隊嘅信任，有少少成功感。之後希望可以努力練波，畀一個好印象教練，等佢可以用我。」好景不常，球會在開季表現失準，領隊被辭退，又加盟了外借球員，大量的人事變動，令浚仔出場機會變少。縱使他在往後比賽中取得助攻與入球，也始終未獲球會器重。更甚是，浚仔去年10月受傷患困擾，被迫休養四星期。浚仔說：「最大困難係恢復訓練，肌肉要操番去最高水平，成日都要做gym、跑步，係好辛苦。」
浚仔在這球季，46場賽事中僅出場11次，再加上傷患，難免會有心灰時候，他說：「你受完傷，去球場睇波見到其他球員落場踢緊波，而你又喺觀眾席，會有啲唔開心。但足球你估唔到會發生乜嘢事，所以冇辦法。」在足球世界，出場比賽是一切。假若來季上陣機會不多，浚仔坦言會考慮其他歐洲球會：「我呢個年紀係希望多啲有得踢，但暫時唔會返嚟亞洲，始終習慣咗歐洲文化，呢邊嘅職業水平、更衣室文化，好多嘢都唔同。」
採訪：馮國康
攝錄：馮峰、Neo