巴塞隆拿喺西甲一早贏咗冠軍，冇包袱之下，周三仲抽空去南非踢表演賽，同當地球隊馬姆洛迪辛當斯進行曼德拉百周年紀念盃賽事。場波巴塞強陣出擊，美斯都有喺下半場入替，結果由蘇亞雷斯、奧士文尼迪比利同安祖高美斯各建一功，以3:1贏波。賽後由隊長恩尼斯達代表領獎，但個冠軍獎盃似乎太大太重，小白幾乎唔夠力捧起，要靠隔籬左右幫手，場面惹笑。