英超球會愛華頓同韋斯咸齊齊喺周三宣佈，辭退領隊艾拿迪斯同莫耶斯（圖），兩位領隊咁啱又喺上年11月上任，兩個人齊齊六個月之後就冇得撈，都幾巧合。愛華頓同韋斯咸今季季初嘅成績都認真曳，不過大儍上任拖肥領隊後成績即刻有改善，最終英超攞番個第八；而莫耶斯今季臨時上任執教韋斯咸都成功脫離降班危機，算係有個交代。相信兩位領隊靠今季張成績表都唔愁出路嘅！