有泰利（圖）坐鎮嘅阿士東維拉周二於英冠升班附加賽四強次回合主場同米杜士堡賽和0:0，兩回合計贏1:0晉身決賽，將同富咸爭奪升上英超一席位。米堡次回合機會不多，直到89分鐘達寧禁區外主射罰球中楣，錯失追平良機，結果兩隊互交白卷，兩回合計維拉贏1:0，5月26號會喺溫布萊球場舉行嘅英冠附決賽與富咸對壘，爭奪最後一個升班席位。