歐霸盃有個別名叫「西維爾盃」，皆因對上四屆有三屆由西維爾稱霸，其實早在西維爾前，已經有馬體會雄霸歐霸盃，分別在2010及12年「三年抱兩」，換言之近八屆歐霸盃有五屆由西甲隊捧盃，優勢相當明顯。
對上四屆歐聯，有三屆由皇家馬德里取得冠軍，另一屆由巴塞隆拿捧盃，可見近季西甲隊的確是歐洲最強，因此連歐霸盃亦以西甲隊秤先，西維爾近四屆贏三屆，走勢與皇馬相同，其壟斷之勢相當厲害。數遠一點，近14屆歐霸盃（前身為歐洲足協盃）亦有八屆由西甲隊勝出。
自千禧年後，此賽事只有三支西甲隊入決賽後喪師，其中兩次是在「西甲內訌」下落敗，唯一例外就是2001年決賽艾拉維斯加時4:5不敵利物浦。法甲球隊相對就失色得多，上一次躋身此賽事決賽，已數到2004年的馬賽，當時0:2不敵華倫西亞。而且，此賽事歷史上法甲隊從未奪冠。
另外，歐聯分組賽第三名球隊跌落歐霸淘汰賽，優勢未算相當明顯，近八屆就有馬體會、西維爾及車路士曾以此身份封王，今屆「床單軍團」再以此身份重臨，仍有點虎入羊群味道。
文：飛鴻