告東尼馬房的「巴基之星」早前在布宜學胯下勝出女皇盃，重現絕世好馬本色，此駒可重開勝門，多少因為告東尼的悉心訓練，馬主丁志強本周一(14日)晚舉行慶功宴，貝湯美、告東尼及太太寶蓮，整個馬房員工都有出席。
告東尼透露「巴基之星」近態良好，本月27日2400米遮打盃，由於布宜學分身不暇，於是就搵早前替「巴基之星」試閘的貝湯美，在遮打盃夥拍此馬上陣。告東尼說：「『巴基之星』是大超班馬，但好多壞習慣，不過結果都搞得掂。我有排教貝湯美點騎好『巴基之星』，我會教到佢好似布宜學咁叻。我相信『巴基之星』好大機會贏遮打盃。」
告東尼又透露，「巴基之星」將於本周五再由貝湯美試閘，作賽前重要備戰。
至於「巴基之星」的同主馬，身價720萬的本屆香港拍賣會馬「巴基之友」，插四班評52分，仍未出賽，這天「巴基之友」(15日)率先由貝湯美試閘，是牠在港首課大閘，結果這匹大白鼻馬在第二組1000米草閘走勢十分稚嫩，沿途居後，無甚表現，只跑第10名即尾二。