【本報訊】目前全港約有百部第一代拉閘式升降機，《蘋果》記者日前到北角英皇道大昌大廈，試坐1955年大廈落成使用至今的老爺𨋢。大廈內四部不同顏色的手拉閘𨋢甚搶眼，𨋢門上的長方形小玻璃窗、鋁質機箱懷舊味足。
四部𨋢已運作逾半世紀。由地下到頂層8樓的32秒，伴隨着轟轟運行聲，每次經過樓層的「咔嚓」聲如打拍子，樓層影像在拉閘縫前掠過，步出𨋢門如由時光隧道走回現實。大廈互委會主席王先生說，當年大廈屬高尚住宅，「其他樓只係幾千蚊，呢度賣幾萬蚊一層！」
不過歲月催樓老，難免不時壞𨋢，入住40年的王太試過推不開𨋢門。其他住客表示「拉拉吓㩒㩒吓，個門就開咗，唔覺有乜危險」。雖然曾有人建議換𨋢，但因無人願夾錢，結果不了了之，老爺𨋢相信難以退役。
■記者麥超億