求驗客手記:少林寺港甲護級一額汗 - 求驗客

求驗客手記:
少林寺港甲護級一額汗 - 求驗客

今季自降嘅南華(圖),前日喺港甲第29輪賽事,以3:2險勝晉鋒,而同南華爭留級嘅灝天晨曦,同日以1:4輸咗畀榜首港會,令少林寺提早保甲。南華上季尾喺港超決定自降,話集中資源係青訓,點知表現唔似預期,季中已要護級,郭裕洪同教練潘耀焯兩位前港腳擔正,前日贏晉鋒,多晨曦四分,提早一輪保甲,但南華自降港甲時,聲稱話培訓年輕球員,點知用老將帶住班廿幾歲球員踢,就被球迷嘲「講一套,做一套」。南華保級,愉園則由乙組升上甲組,下季港甲又再有「南愉大戰」。