這天（13日）是母親節，亦即天下母親「大晒」的一天，就連大多在周日舉行的沙田日馬也要「讓路」，好讓子女在母親節表孝心。
對郭能一家來說，女主人Trish上月19日誕下第四名她與老公郭能的愛情結晶Will（四個均是兒子），今日將是他們首次一家六口共度母親節。
Will的嬰兒床放在客廳的中央，在訪問開始前，小寶寶剛剛睡醒，一雙水汪汪的啡眼睛不停眨動，Trish連忙將他抱起，郭能輕掃Will的頭髮，愛兒沒有因為記者和攝影隊來訪而嚇怕大哭，眾人頓時鬆一口氣。
Trish說：「近一個月來，我嘅睡眠質素真係難以形容，Will突然半夜三更喊，我係四個囝囝嘅媽媽，當然知道湊BB係艱巨嘅任務，丈夫因為要晨操而暫時搬到客房瞓。」
「我每晚都小心照顧Will，的確係好艱辛嘅工作，幸好丈夫會幫手做家務之餘，Will嘅三個哥哥亦很生性，每逢學校假期都會主動幫手照顧細佬同做家務，知道要喺細佬面前，做個好榜樣。」
Trish一臉倦容，但談到小生命，頓然精神起來，臉上流露出無窮的喜悅，她和丈夫早有默契，每朝晨操後，郭能便會分擔湊B的工作，好讓太太補睡一下。
郭能夫婦本育有三位公子Jack、Teddy和Henry。去年Trish再度懷孕後，親朋戚友聯想到他們是否「追女」，結果這一胎也是男孩子，那麼他們還要追一位小千金嗎？
Trish斬釘截鐵地說：「Will出世後，很多人再三追問我『你哋會唔會追番個女？』我好肯定回答：唔會！屋企有四個男孩子，已夠熱鬧和滿足。」
郭能補充說：「很多人以為我哋好渴望有個女孩子，但坦白講，無論男定女我們都一樣愛錫，Trish一向喜歡小朋友，佢好早就提議生多一個，我小心考慮後應承，生咗Will之後，我哋一家六口非常美滿。」
Will是一個與眾不同的小孩子，三個哥哥都在英國出生，當時郭能正在當地策騎，Will則是百分百「香港製造」，而他三個哥哥都是順產，過程順利，Will卻令父母抹一把汗。
郭能憶述：「由於頭三胎都好順利，只花好短時間，原先估計Will都會一樣，當時預產時間係4月18日午飯時間左右，當日係星期三，我以為可以趕得切喺谷草夜馬上陣。」
「點知等吓一個鐘，等吓又一個鐘，Will仲未肯出嚟，醫生解釋臍帶纏住條頸，察覺到情況開始危急，我立即向馬會請假一天不跑夜馬，全程陪伴，幸好開刀後母子平安，見到Trish咁辛苦，自己都感到心痛。」
母親節沒有賽事，郭能已安排好慶祝活動，一家六口齊齊遊船河，在海上享受難得的假期，一家人遠離鬧市煩囂，樂也融融！
採訪及撰文：林湛穎
攝影：Dominic、峰
導演：Roy