超蓮再曬泳衣派福利一件頭泳衣微露事業線

超蓮再曬泳衣派福利
一件頭泳衣微露事業線

賭王三房最索千金何超蓮上星期三27歲生日,朋友車輪轉為佢開P慶祝,之前唱K,又同細佬猷啟食米芝蓮壽司,節目豐富。昨日,佢就喺Ig再貼新一輪慶祝活動相,今次就水著P,見佢哋10幾個女仔迫埋喺大木桶姊妹淘,真係好熱鬧。

睇番輯相,估計大部份女子組都有共識著一件頭泳衣,超蓮一向好身材,就着住件一件頭白色泳衣,同另一女性朋友著紅色同款泳衣影合照,齊齊飲杯,佢就留言:「三歲生日快樂。」舊年,超蓮同女友去旅行時大晒三點式比堅尼,網民都一致正評讚佢有「優質股」,今次超蓮改穿白色一件頭,收埋靚股,但都盡顯纖腰,同隱若見到2吋事業線,有網民留言:「超蓮好正,女仔都流鼻血。」