金像影帝古天樂再拎獎，昨到圓方出席第七屆香港薩蘭托國際電影節，獲頒香港傑出演員獎項。古仔表示前晚已跟媽咪食飯兼送禮慶祝母親節，因為昨晚要為當年「新五虎」古巨基的演唱會做嘉賓，問到會否獻唱自己歌曲《今期流行》？古仔說：「我哋係會唱《當年情》，今晚仲有幾位嘉賓，但唔知係邊個。」
對於基仔在騷上又唱又跳《今期流行》，古仔笑說：「係咩？真係㗎？佢整親唔好跳得咁犀利，當晚知道佢有事都好驚，即刻短訊佢，因為自己上年拍科幻片時整傷脊椎骨，唔係休息咁簡單，係好辛苦，手同頸都傷到神經線，痛咗年幾先好啲。如果跌親頭兩晚都要敷冰，等神經線唔好發炎。」
採訪：卓寶花
攝影：仇志德