恩尼斯達季尾就離開從青訓至一隊效力咗22年嘅巴塞隆拿，除咗近期比賽向佢致敬的嘅場面常出現之外，原來隊友上周一已私底下請佢食飯餞別。據講巴塞操練後，一班一隊球員一齊請「小白」食晏，隊友仲畀咗佢驚喜，送上一段長達20分鐘嘅「小白」巴塞生涯短片，令佢感動到喊。巴塞煞科戰主場鬥皇家蘇斯達，會方賽後亦會喺魯營為「小白」舉行正式歡送會。