利物浦射手穆罕默德沙拿又攞獎喇！繼早前連贏英格蘭足球先生同球員先生之後，呢位埃及前鋒周四再攞埋球會嘅晏菲路年度最佳球員，同埋由一眾紅軍球員互相投票選出的今季最佳表現球員兩個獎項，而且佢仲喺禮拜四晚利市同倫敦兩邊飛，分別領取球會嘅獎同由足球記者協會選出嘅英格蘭足球先生獎。
沙拿今季成為球壇嘅大紅人，不過佢都好識做，向紅軍球迷大派定心丸：「我冇諗過要離隊，我喺紅軍過得好開心，我哋今季仲有兩場重要比賽，一定要全力爭勝！」睇吓沙拿可唔可以第一季做紅軍就贏到歐聯冠軍啦。而另一位利記球員阿歷士張伯倫都有好消息，佢周四喺社交網站宣佈自己膝部手術成功，希望佢快啲好返，下季再踢多啲好波啦！