位於太子的「容記小菜王」，上月底有7名顧客晚膳時吃燒肉和焗魚腸，懷疑食物中毒。餐廳由4位老闆投資，包括早前稱退休的容哥（易偉容），其餘三位餐廳老闆分別是潮福老闆譚棉、百利老闆李國祖（祖哥）及正宗澳門豬骨煲李世雄。去年十月尾獲米芝蓮車胎人推介，以焗爐做的脆皮燒肉聞名。
發生中毒事件後，容哥主動致電記者，指由去年十月開始，由於和股東不和，已與容記小菜王劃清界線。「大家嘴形唔啱，手法唔同，所以去年已發律師信禁止他們用『容哥』招牌。他們之前每個月用一萬蚊請我做顧問，但用我個名及肖像做招牌，樓下停車場都要幾千元，你話夠唔夠？大家各行各路，最緊要唔好影響我。」那為何去年奪米芝蓮車胎人推介，卻否認退股消息？「今年1月先出埋條尾數，收得人顧問費，都要做足嘢，間中都有返舖頭巡下。『容記』個名我無註冊到，但『容哥』就有，如果佢哋繼續用，你話我唔會唔告到佢甩褲？」
我們致電祖哥求證，他說容哥一、兩個前已全身而退，已退還當初投資額一百萬元及佔的股份利潤，雙方無拖無用。「佢好麻煩，有時都唔知佢想點。佢係廚房總監，話食物唔得，又唔肯教人，唔比斤両，話教完人咪好著數，又經常鬧伙計，你知而家廚房好難請人，咁樣邊度有人肯做。大家繼續做落去，又唔係無錢賺，跟住同佢傾，每月出一萬元比佢，可以咩都唔駛做，初初都肯，點知又話要出3萬元一個月，我哋咁樣好難維皮。最後達唔成協議，所以就各行各路。」不過，他對於食物中毒，則說不知情。
記者：何嘉茵
