阿仙奴領隊雲格周四同一班球員出席「槍手」嘅慈善晚宴，成班阿記球員西裝骨骨相當靚仔，而雲爺爺上台演講嗰陣都不忘自抽：「今晚對我哋嚟講係非常重要嘅一晚，我已經出席咗呢個活動22年，所以我好清楚。不過大家唔使擔心，我唔會再嚟㗎喇。」雲格又提到歐洲足球嘅發展，佢預期將來嘅「歐超聯」會喺周末舉行，聯賽改周中。