湖北武漢為咗籌備出年嘅世界軍人運動會，各大體育場館正進行改建，其中中甲球隊武漢卓爾嘅主場——中南財經政法大學南湖校區體育場，因進行緊改建工程，所以武漢卓爾宣佈，決定將主場改到新華路體育場進行。但係內媒話新華路體育場依然有安全隱憂，所以武漢卓爾唔會對外發售「主場」門票，只係畀季票持有者入場。不過可以入場嘅球迷都未必能夠盡興，喺網上流傳嘅相睇見，新華路體育場球場嘅跑道度，放咗好多「VIP」膠凳（圖），球迷只係可以坐喺膠櫈上面睇武漢卓爾比賽。啲相隨即喺網上不斷轉載，網民隨即留言：「好似中學開陸運會」、「創中國職業足球先河」、「派兩支螢光棒吧！」、「奇葩中国足球」。