俗語有云「見人講人話，見鬼講鬼話」。近日fb流傳一條片，片段見到有單車選手因單車爆胎相當勞氣，拍片人走近以普通話訪問對方，單車手先以一連串廣東話粗口投訴，但迅速變臉以普通話大讚附近環境好，爆胎只因不小心，完美示範何謂雙面人。
影片見到兩名單車手疑似修理爆胎單車，拍片人以普通話走近問佢覺得條路點，雙面人爆seed：「XX佢呀，呢啲咁嘅X路，又濕，路又爛，下次畀都唔X嚟呀。」拍片人以普通話追問可否用普通話講，雙面人即變臉大讚環境好、路又漂亮，「我超喜歡這裏，以後我每年都會來參加這裏的活動的。」拍片人追問佢點解會爆胎？」雙面人又用廣東話鬧：「你問咁多托X呀？」拍片人以普通話速回：「你剛剛說甚麼？」雙面人再變臉話係自己不小心，不是路滑問題。
短片幾日已有過千shares和likes，有網民笑指，「廣東話 = 真情流露嘅說話；普通話 = 耍官腔全是廢話」。