某政協常委商家佬預言，將來香港人唔叫做香港人，而係變身大灣區人。口吻好似升呢了，由港升級做區咁話。
唔使審，呢位無聊的茂李一定推崇，大灣區人的母語，是大灣話。區內唔行一國兩制，大灣區的大媽，會在你住的小區樓下，圍堵你的朋友！踹飛婦女！搶你手機而無警察上門拉佢告以刑毀罪！大灣大和解！
大灣區，鄰居冇一個劉霞，冇一個709維權律師。前者在京城被幽禁，生不如死，後者逐個被抓失聯多年，家屬尋人，屢遭中共刁難。大灣區裏頭，唔俾律師落腳。你天真幼稚地諗，香港湯渣華和糧尾分，這些大狀能夠在大灣區執葉，他們可以幫你爭取香港人的人權！無嘈，葉劉話齋：「你係咪低能！」用六秒撳吓自己的太陽穴，無再頭痕了，變成大灣區人，仲敢講權利？習帝已經對香港人恩寵降福到不得了，跪叩吧香港飯桶（大跪叩由何君妖率領兼網上直播）。假如你問，點樣以大灣區人預訂機位？嘩，厲害了，天大地大，搵馬雲一條龍支付搞掂晒！Daiwan來了，大灣歌都係馬雲主唱啊。大灣區，一人一雞票（大灣話將機念成雞），低能都幸福。