的士業界fb群組早幾日就上載咗一條聲帶，內容係一名女乘客因為不滿的士司機遲到4分鐘，而且俾司機cut線，所以女乘客就打去客戶服務熱線大鬧兩分鐘，仲揚言要玩死佢。
電話一接通女乘客就以高八度儼如唱粵曲聲線狂鬧，話司機應承6分鐘到，但10分鐘都未見人，搞到佢遲大到，CS大佬就話如果真係趕成咁就落去截的士，女乘客更加躁，話搞到佢遲大到就要負責任。
「同我玩死佢呀」
女乘客就越鬧越激動瘋狂爆粗，仲話「同我玩死佢呀！」忍無可忍嘅CS話：「我係幫你解決問題唔係俾你鬧，你係咁鬧我就收線喇。」唔少乘客都係貪平而call，所以網民一面倒撐的士。