相隔兩個星期，禮拜三夜賽（9日）重返谷草上演，用全闊A跑道競逐；睇番最近4月11日同一移欄亦係相距之前一次谷戰達兩個禮拜，賽果具參考性。
當晚大利內叠前置馬，其中有七匹頭馬守前三位入直路建功，當中「獻惑」（告東尼馬房）、「大四喜」（大摩馬房）、「實力飛駒」及「連利之星」（蘇保羅馬房）更加放頭帶到，具前速之馬匹仍然要優先留意。
今戰列陣馬中，尾場「友享友賞」（蘇偉賢馬房）兩次跑谷A欄獲一勝一位，場地性能甚佳，快馬藉跑道形勢之助有力再取頭馬。
此外，第二場「一馬當先」（容天鵬馬房）曾於谷A欄獲兩冠一亞，亦是全場唯一贏過此移欄之參戰馬，提防會回復表現。