近年不斷有華人騎師受傷長唞，其中休息多時的蘇狄雄漸見曙光，已恢復操馬及試閘，估計本月尾或6月頭可復出上陣。但另外兩位華將黎海榮及巫顯東，目前情況又如何呢？
34歲的黎海榮去年9月10日在三班田草1200米策「育成寶貝」轉直路彎前出事，當時該駒突然失蹄前跪，黎海榮失重心墮馬倒在地上，後面有馬匹跨過其身軀，黎海榮疑似被踢中，落地後一度失去知覺，不久恢復意識可說話，但自此黎海榮便沒有再在馬場露面。
馬會受薪董事韋敦彥透露，黎海榮左手手腕骨裂，雖曾做手術鑲螺絲，但傷勢反覆，加上墮馬後腦部曾有毛病需服藥，一直暫停策騎至今。據知，黎海榮在今季復出的機會不大。
至於今年3月27日沙田試閘連環墮馬中，策「馬主精選」（已退役）人仰馬翻24歲的巫顯東，左邊髖關節脫臼，亦需要較長時間復原。
目前東東仍在休養中，但已可如常行走，而據知東東最近已有返到師傅沈集成的馬房幫手，不過仍未可操馬。