輪椅客都可健步如飛？何先生上星期五就見到難忘一幕，「就喺有人坐坐吓輪椅都可以即刻彈起身上車」。話說何生當日下午1點幾，揸車經過西半山羅便臣道東行，佢架車跟住一架的士尾，的士駛至宜新大廈對開時，有兩個女子及一位坐輪椅男人揮手截的士。
一架的士司機打死火燈駛前小小停車，何生尾隨亦停低，就見到離奇一幕：「坐輪椅嗰個男人見到的士停低，即刻彈起身，動作快過我同好多後生仔，佢企起身之後，又自己收番輪椅，攞上的士車尾箱，連跌水樽都好快執番，跟手佢就跳上的士後座。」他話當時同輪椅漢同行有4個女子，5人上車後的士開走。
何生嘅車Cam拍低成個經過，佢話唔知輪椅漢係唔係傷健人士，所以他質疑該「輪椅漢」係真係需要坐輪椅，「定係利用啲人同情心，享用殘疾人士福利？」
