楚原近日接受車淑梅港台《舊日的足跡》訪問，被問到當年遭方逸華罵他不懂電影時為何不反駁，楚原說︰「我同佢冇嘈過，只有佢鬧我，我冇反駁過一句說話。後來喺無綫再見，我亦恭敬叫佢一聲方小姐。」談到太太南紅，楚原說：「我思想浪漫，但我亦係普通人，不拘小節，南紅亦一樣。我鍾意南紅正因為佢夠普通，唔追求物質。」
