粵語係我哋母語，除咗由細講到大之外，佢本身還有上千年歷史。由太嫲阿嫲阿媽傳落嚟的諺語，除啜核到肉外，仲隱含好多歷史故事，點解擔屎要偷食？混醬混緊乜嘢醬？統統都有時代背景極有深度，我哋慢慢同你講解。
反骨究竟反緊邊條骨呢？原來反嘅係枕骨，即後腦位置的骨。在《三國演義》裏，關羽曾迎接蜀漢名將魏延歸來，但孔明卻下令推他出去處斬，劉備急問點解，佢話：「吾觀魏延腦後有反骨，日後必反，故先斬之，以絕禍根。」說他後腦骨特別突，係背叛者特質，一定不忠。查實，從來都無學說講過後腦骨大，就鍾意背叛，那不過係孔明為排除異己而隨口㤔當秘笈。不過，講咗成千年，今日話人反骨，就真係講緊認賊作父嘅背叛者。
記者:陳慧敏
全新旅遊專頁，即like籽想旅行： https://fb.com/travel.appleseed