香港地爆水管成日發生，港鐵灣仔站A1出口日前又爆一次，當時水柱射上4層樓高半空，路人陳小姐拍低灣仔噴泉呢一幕，「水柱射到高過天橋，有市民同警察一齊用垃圾桶壓住水柱」。佢話事發前晚9點幾，當時警員同市民齊齊變落湯雞，由於喺正港鐵站隔籬，港鐵都派人贒實，以防水浸入站。
陳小姐話當時阿Sir只能夠用「劉江華」（垃圾桶）改變水柱方向，避免啲水直噴天橋同附近民居，但當時水力實在太強勁，水柱只係輕輕傾斜咗少少，但水柱激射半空就好似瀑布咁壯觀。
為免濕身，好多路人都繞路行去另一個港鐵站出口，亦有花生友湊熱鬧圍觀，更有路人讚警員奮身擋水。
水務署話今次爆咗條直徑100毫米鹹水管，已即時搶修，到噚日朝早7點已更換爆裂喉管。