梁詠琪（GiGi）一連兩晚的紅館演唱會昨晚開騷，由於五月天改在迪士尼搞騷，才讓出檔期給她舉行這個巡迴站個唱，到場撐她的有郭富城太太方媛（Moka）、楊千嬅、周秀娜及徐天佑等人前來。頭場全場爆滿，GiGi的西班牙籍老公Sergio就抱實囡囡Sofia坐第一行，Sofia就戴住耳筒，全場觀眾見到他們即歡呼，而Sergio大方轉身同觀眾打招呼。
老公囡囡坐第一排
GiGi染上一頭粉紅髮，以一身閃石粉色長裙現身出場，唱她入行成名作《短髮》，台底有風吹上來，更吹起長裙，大騷長腿同打底褲。GiGi在台上說：「我返嚟啦，終於返到嚟我嘅屋企香港，終於返到嚟開演唱會尾站，我呢幾年好掛住你哋，你哋有無掛住我呀，愛要講出口，返嚟香港就梗係要講廣東話，廣東話就梗係我哋嘅母語呀嘛，今晚會盡情唱多啲廣東歌㗎。」
採訪：盧妹
攝影：仇志德