【石棺藏屍案】
【本報訊】荃灣DAN6工廈石棺藏屍案，控方昨播完第三被告阿K的警誡會面，其代表大狀盤問指首、次被告警誡下均沒承認殺人，僅阿K非常合作且招認一切。大狀直言阿K受警方威逼利誘才招供，警方更不准他見律師，其中刑事總督察謝旦生恐嚇指「呢度係警署，冇人可以見律師，你唔好同我玩嘢，律師幫唔到你」，負責主持會面的警長否認指控。
記者：楊思雅
偵緝警長蔡國基於2016年4月12日從台灣押解張善恒（阿K）返港，抵埗即以串謀謀殺罪拘捕他並先後為他錄取5段共長約7小時警誡會面片段。他接受阿K代表大狀徐福亮盤問，同意所有被捕疑犯均有接見律師和家屬權利，確保他們得到公平對待。
「要見母親先要合作」
蔡甫錄取會面便向阿K指有律師想見他，但阿K表明不需要。大狀指其實當時阿K很想見律師，但刑事總督察謝旦生在蔡面前恐嚇阿K：「呢度係警署，冇人可以見律師，講幾句都唔得。」並謂律師根本幫不上忙，威脅阿K「唔好玩嘢」，蔡否認。
阿K隨即要求見母親，謝則謂見律師就不可見母親，只要阿K合作便會安排他與母親見面；謝又吩咐阿K當警方稍後問他是否需要律師時，必須回應不需要，蔡皆否認。
大狀續指，其後有偵緝探員吩咐阿K向母親解釋「因為請律師要好多錢、要賣樓」，所以拒見律師；而該探員曾利誘阿K招供，說：「你諗吓自己將來，你仲有將來㗎，你咁戇居黐埋嗰兩條友度，你諗清楚，得警察可以幫你」；又透露「染金毛條友（首被告曾祥欣）已經喺隔籬吹噓緊幾有錢同享受生活」，催促阿K合作。蔡全否認，強調他和同袍均沒毆打、恐嚇、利誘或用任何壓迫手段促使阿K招認。
蔡早前供稱阿K被捕警誡下指「阿sir，殺人係阿豪（次被告劉錫豪）嘅意思，我只係幫手」。惟大狀指蔡當時只問阿K「究竟單嘢邊個做」，阿K回應「我只係多口」，非蔡所言「我只係幫手」，蔡不同意。下周一續審。
案件編號：HCCC459/16