唐詩詠昨日踏入37歲，生日也要開工，到太古城出席信用卡活動。目前單身的詩詠笑說：「生日最好就係做嘢。」問到願望是否識新男友？詩詠否認：「我知道佢喺好遙遠嘅地方慢慢行緊過嚟，係睇timing。」她表示與好友黃翠如等慶祝，至於有沒有舊愛洪永城（Tony）份？詩詠說：「仲未收到Tony嘅祝賀訊息，幫我鬧吓佢。」她坦言渴望有自己家庭，不介意閃婚，問會否考慮雪卵生B？她說：「都可以諗，當係送畀自己嘅禮物。」
詩詠前男友Tony昨日到銅鑼灣為旅遊用品店擔任星級店長。問他有否為舊愛詩詠慶祝生日？Tony笑說：「你都話係舊愛，我會短訊祝賀佢。」再問會否私下約食飯？他指應該是一大班朋友。稍後Tony和翠如合作拍旅遊節目，他笑說：「會叫翠如買份保險，受益人寫蕭正楠，至於自己嗰份未搵到受益人，暫時填家人名。」
採訪：羅慧敏、馬建華
攝影：沈健程
