【爆相爆片】現年34歲的王浩信憑《踩過界》中行俠仗義的律師榮升視帝，戲中盲人律師造型殺死人，但有時太過入戲，在現實中可能掛一漏萬。本報讀者林先生透過「爆相爆片」分享王浩信無視行人過路燈指示，兼且踩着單車橫過行人輔助線，沒有注意安全守則。
未有下車
林先生接受電話訪問時說：「上星期六大概12點幾，我揸車經過環保大道，見到王浩信踩住單車橫過行人路，第一盞燈佢都有跟行人過路燈，不過第二盞佢可能等唔切，紅公仔都照過。」從林先生提供的片段見到，王浩信當時一身單車運動裝扮，戴着墨鏡孭着背囊，由日出康城對出踩着單車去到燈位。在行人輔助線前橫過馬路時，他並沒有下車，以腳尖半踩半推單車橫過。
到中間安全島時，王浩信見行人過路燈顯示紅公仔，停下等待大概10秒左右，見仍未轉燈時，便直接踩單車橫過馬路，對於時常有泥頭車駛過的環保大道，可謂非常危險。根據香港條例，所有踩單車人士，在橫過行人輔助線或者在行人路時，都需要下車推車，所以王浩信觸犯兩條法例。
多謝提點
王浩信昨日回應傳媒表示：「多謝提點我對單車喺道路使用上嘅錯誤，以後我會更加了解清楚單車喺道路使用嘅交通細則，謝謝！同時亦希望由新聞可以帶出更多有關單車喺道路使用上嘅知識，畀更多單車愛好者可以更安心享受喺市區踩單車嘅樂趣，多謝你哋。」黃國桐律師接受電話訪問表示，觸犯道路交通條例可被判處罰款，他說：「條例上單車等同汽車，佢有機會觸犯《道路交通條例》『不小心騎踏單車』。」
採訪：何永寧