娥特上任後出咗唔少力，試圖冧掂教協立法會議員葉建源，包括上任後落實36億元「教育新資源」，其後再加碼20億元，更破天荒為教協周年酒會任主禮嘉賓。但葉Sir監察政府未見手軟，噚日喺預算案二讀時就投咗棄權票，葉Sir仲捉住教育局長「講數」解釋，令到楊潤雄一度聽到頴頭。
葉Sir話34幾億元只係一個數字遊戲，意味今年啲錢都用唔到，咁即等於畫餅充飢，叫佢點支持呢？又話學位教師比例、班師比例等教協最重視問題，教育局至今都無處理到，佢重話要「極度遺憾」政府推出「一校一社工」嘅新措施，又不滿政府更就保留TSA留有一條大尾巴，咁佢最終就預算案投乜票？目前佢暫時只得棄權、反對兩個選擇。