【踢走紹仔】搶回泥地不敗馬!雷神做咗件極罕見嘅事

【踢走紹仔】搶回泥地不敗馬!
雷神做咗件極罕見嘅事

冠軍騎師雷神莫雷拉於賽前一日為蔡約翰馬房的戰馬親自加課,過去有冇試過?記憶中真係好少好少囉,偏偏這個非常罕有的鏡頭,今朝(1日)卻出現了,雷神親策「架勢」在內圈快踱一圈,走來步伐輕快,身壯毛色靚,狀態非常出色。

「架勢」列陣周三(2日)沙田夜賽第六場四班1650米泥地賽,這匹4歲年輕馬今季進步甚大,跑過泥地兩次未輸過,上仗大敗只因草地不合發揮,當然不能作準。今仗「架勢」回跑泥地,雷神立即搶番帥印,踢走近兩仗操刀的蔡明紹,咁都不特止,這天更出奇地在賽前一日操番課,唔試唔安樂,更反映對今仗抱有極大期望。

「架勢」馬主是前首度大法官李國能,此系馬向來鬥志十足,上次賽後牠試過兩次大閘才再戰,認真催谷狀態,備戰充滿誠意,看來大有機會保持泥地不敗。